السبت 14/10/2023

طلعنا مبارح

من الزيتون على دير البلح

سيل من الناس من الشمال للجنوب طالعين زي ما حكولهم اليهود يطلعوا

وهما طالعين قصفوهم بالطريق

السيارات كانت تنحرق قدامنا

والاشلاء بكل مكان

نمنا ليلة في دير البلح والصبح رجعنا ع الزيتون جمب الشجاعية عند خالتي

وقررنا بعد هيك مش طالعين مكان لو بدهم يهدوا الدار فوق روسنا

خلص بكفي

ستي طلعوها من النصر للزيتون الساعة 10 في الليل مشي

من النصر للزيتون تقريبا 6 كيلو وستي مقعدة تجرحت وتبهدلت

قعدت جمبها وبوست ايدها وحكتلها اني بكتب عشان العالم يعرف الحقيقة بس ما قدرت وبكيت